The soletscheeres Podcast

Met wie praat ek op Sondagaand? Christien Neser

Hierdie is 'n gesprek waarna almal wat betrokke is by kinders, behoort te luister. Of jy nou 'n ouma, 'n ma of 'n onderwyser is, dit is belangrik om te verstaan waarom dit so ongelooflik nodig is vir 'n kind om goed te kan lees. Christien vertel ook waarom 'n mens vir 'n kind van geboorte af al moet voorlees, liedjies sing en rympies en gedigte opsê.

Met wie praat ek op Sondagaand? Julio Agrella

Ek is mal oor Julio se boeke en dit was vir my 'n heerlike voorreg om met hom oor sy werk en oor skryf in die algemeen, te praat. As jy nog nie kennis gemaak het met Zeus van Wyngaardt nie is dit hoog tyd om een van sy avonture op jou leeslys vir 2026 te sit.

Met wie praat ek op Sondagaand? Loammi Wolf

Die meeste mense kan haar as Pou Veer, 'n staatsreg geleerde wat baie kundig is oor Europese politiek. Ons praat oor Duitsland en hoe die land verander het. Loammi verduidelik ook die verhoudinge tussen Wes Europa en Rusland.

Met wie praat ek op Sondagaand? Lycette Wilson

Lycette woon al 'n paar jaar in Nederland en maak dit haar werk om mede Suid-Afrikaanse expats te vermaak met hoe sy die verskille in kultuur aanpak. Ons gesels oor die realiteite wat jou te wagte staan as jy na 'n nuwe land toe verhuis.

Loer gerus op FB en Tiktok om te sien wat sy alles aanvang.

instagram.com/wilsonlycette

TikTok: @satonl_lycette

Met wie praat ek op Sondagaand? Cliffordene Norton

Cliffordene en ek gesels oor haar skrywersloopbaan, standaard Afrikaans en jeugboeke vir tieners wat hulleself min in jeugliteratuur raaklees.

Met wie praat ek op Sondagaand? Annemarie Bekker Botes

Toe uncle Bells sy verskyning in Annemarie se lewe gemaak het, het sy besluit om nie onder die bed weg te kruip nie, maar om eerder op tiktok vir mense te vertel wat haar getref het.

Met wie praat ek op Sondagaand? Anschen Conradie

Soms gesels 'n mens net so lekker met iemand dat dit voel asof jy die hele dag lank kan bly praat. Anschen en ek praat oor ons groot passie: lees en boeke en ons sukkel om uitgepraat te raak. Sy is bekend op FB vir haar resensies op "Uitdieperdsebek" en sy skryf ook resensies vir oa Litnet.

Met wie praat ek op Sondagaand? Tosca de Villiers

Daar is 'n splinternuwe skrywersforum in Bloemfontein. Ek en Tosca gesels oor hoe dit tot stand gekom het en wat dit nou eintlik is.